طلعت من إمتحاني ملقتش ولا مواصلة 1
طلعت من إمتحاني ملقتش ولا مواصلة
وده بسبب إن كل الطلاب مشوا وأنا حبيت أقعد مع صاحبتي المقربة شوية.
أخوها جه خدها لإن مامتها كانت تعبانة،
مكنتش راضية تسيبني بس حاولت أطمنها إني هركب على طول فمشت بعد محايلة ،
وبعدين وقفت لوحدي مستنية أي عربية وكنت واقفة خايفة جدًا لإن الوضع مكنش أمان.
بعد حوالي عشر دقايق وصلت عربية ميكروباص ومكنش فيها غير السوَّاق،
قعد لي عشان أركب، رجعت لورا بخطوات خوف وقلق،
كنت مترددة ومش حابة أركب، لاقيته نزل من العربية وبدأ يقرب ناحيتي،
اتخضيت ودقيقة وكنت ي لكن كان جوايا حاجة مطمناني،
قعدت اقرأ قرآن في سري لحد ما الراجل وقف قُدامي وقالي:
” خليكي واقفة لحد ما العربية تتملى وبعدين اركبي تي ”
ر نظرة سريعة لاقيته وقف على جنب وطلَّع موبايله من جيبه
وبدأ يتكلم ويقول ” حقك عليا شوية وجايلك والله “.
وبعدين بصلي وابتسم وقالي” معلش بقى المدام مستنياني ”
هزيت راسي وسكت، لاقيته بيردد كلام في سره بس مش عارفة إيه،
دقيقتين بالظبط والركاب ركبوا كلهم…
مكنش فيه مكان غير كرسي جنب السواق فركبت، وساب كرسي جنبنا فاضي،
فبصيتله لاقيت ملامحه كلها سكون وبعدين شغَّل سورة يوسف بصوت مشاري راشد
فلاقيتني بقوله بكل تلقائية ” فاضل نفر كدا صح؟ ”
ابتسم وقال ” لا ده محجوز لمراتي ”
الركاب ولي الأجرة فقالي طلعي منها عشرين جنيه وهاتي الباقي،
وبعدين خد العشرين ونزل أشترى كرملة ووزعها على العربية
وقالهم “أدعوا لمراتي عندها مؤتمر مهم النهاردة”
واحد من الركاب قاله ” مؤتمر إيه ياحاج؟ ”
فضحك وقال ” عقبال ولادك مراتي دكتورة أسنان ”
ضحكت وقولتله ” إزاي ده؟ ”