حكايتى الغريبه بدأت وانا سنى ١٩ سنه 12
خرجوا اتعشوا ورجعوا البيت ودخلوا يوا واتفاجأت ساره ان محمد قرب منها واخدها في ه و
صحت ساره لقت محمد صاحى وعمال لها ويمسح على شعرها وخدها احمر وش ساره اوى
ساره: احم صباح الخير
محمد : صباح النور ياقمر
ساره استغربت اول مره يدلعها
محمد: يلا عشان انا خدت اجازه النهارده وهفسحك فسحه ماحصلتش
ساره بمرح: جيب العواقب سليمه يارب!!!!
خالد: أعمل ايه يازياد من يوم ماشوفتها وانا مش علي بى ه وأطولها
زياد: اعقل كده وديش نفسك في الستات كتير
خالد:لا دى غيرهم ماانت شوفتهاش دى خلطه كده جمال علي كسوف علي براءه استحاله عينك تيجى عليها ولفتش نظرك
زياد: احنا مالنا بيها دى واحده متجوزه
خالد: وهو الحيوان اللي متجوزاه ده يسمى راجل ماشوفتش كان بيشدها ازاى من وسط الناس
انا ال كانت بتاكلنى من جوايا ساعه ماشوفته بيشدها وهى بتتألم وزعلانه
اللي يتجوز دى يشيلها في عنيه ويقفل عليها مش يعذبها
زياد: خالد خد بالك انا كده بدأت أقلق عليك ياصاحبى وضعك مايطمنش
خالد: اللي قاهرنى ان الحوريه دى تبقي من نصيب العاجز ده !!!مش هيهدالي بال الا اما اكلمها واقنعها تسيبه واتجوزها
زياد: واضح انك اتجننت رسمى اعقل ياخالد هتروح في كده
خالد بحزن: حبيتها اوى يازياد اعمل ايه؟!!
وهى تستحق تكون مع واحد زى مش محمد المعاق ده
★★★
ساره ومحمد قضوا يوم روعه اتفسحوا واتغدوا بره وقعدوا في حديقه يتكلموا ويدردشوا سوا
الفرحه كانت باينه علي وش ساره ودى حاجه فرحته أوى
محمد: تحبي نروح الملاهي؟!
ساره: بس انا بخاف..
محمد خافيش انا معاكى
ابتسمت ساره وقالت: طيب يلا بينا
محمد: بتحبى أفلام الكارتون؟!!
ساره ضاحكه: بحبها أوى بس اتكسفت اقولك تقول عليا عيله ولا حاجه
محمد: لا الافلام دى حتى الكبار بيشوفوها تعالي ندخل السنيما
وعدى اليوم جميل بكل تفاصيله رجعوا البيت في أخر اليوم مبسوطين جدا
ساره: انا اتبسطت اوى النهارده يامحمد ربنا مايحرش منك
محمد بسعاده: ولا يحرمنى منك يا ساره وانا كمان اتبسطت اوى من زمااان اوى ماخرجتش خروجه زى دى….
ساره : اممممم هو انت خرجت زى الخروجه دى قبل كده؟!
محمد مش فاهم يا ساره تقصدى ايه؟!
ساره باحراج: أقصد خرجت مع واحده قبل كده؟!!
محمد وهو مبسوط لما حس بغيريتها: أكيد..خرجت
ساره: مع مين؟؟ احكى لى يامحمد بليييز
………………
محمد : معلش يا ساره أنا أسف مش بحب أتكلم في الموضوع ده ..’دى موضوع قديم وراح لحاله خلاص
ساره: زى ما تحب يا محمد مش عايزه اضايقك ،عن
محمد: انتى زعلتى ؟! راحه فين؟!
ساره: لا ما زعلتش انا هروح أخد شاور
محمد مبتسما: طيب تأخريش عليا…
سارة: حاضر..
بعد شويه خرجت ساره ببجامه بيضاء قد ايه كانت جميله ورقيقه لاحظت نظراته ليها فتكسفت وحاولت تهرب من عنيه
ساره: تحب أعملك حاجه تشربها؟!
محمد: لا خليكى معايا وقرب منها وبعدين وقف وراها ورفع شعرها برقه وساره مستغربه !
وطلع كوليه من جيبه
محمد: ممكن تساعدينى ياساره البسهولك
ابتسمت له ساره وساعدته يقفله
محمد: إيه رأيك في الكوليه
ساره بفرحه: الله تحفه يامحمد ؟انت جايبه عشانى؟!
محمد بمرح: لا جايبه عشانى الصراحه بس قلت ادهولك لفه هههه ….طبعا جايبه عشانك
ساره: تسلم يامحمد ذوقك يجنن
محمد: هو حلو عشان فى رقبتك بس هى اللي ادته الجمال
ابتسمت ساره وسكتت ونظراته ليها محاوطاها وقرب منها ومسح على شعرها وباس جبينها وفجأة لقت ه على
اترعش من الخضه لانها أول مره يعمل كده
بص لها لقي وشها أحمر جدا
ضحك على منظرها
محمد: مالك ياساره ايه اللي حصلك ؟!
ساره: انت قليل الأدب علي فكره
ضحك بصوت عالي وكانت أول مره تشوفه بيضحك
محمد : كده يا ساره بقي انا قليل الادب
ساره مبتسمه:ايوه
فقرب منها تانى وا لصدره وقلبها نبضه بقي عالى حاولت تبعد من كسوفها لكن دراعه كان محاوطها
★★★★
ذكى: كلمتى الولاد النهارده يازهراء
زهره: ايوه كلمتهم ربنا يهدى سرهم كانوا النهارده بيتفسحوا وأول مره احس صوت البنت مبسوط كده
ذكى: ربنا يهديهم لب والله انا خايف من محمد ابنك
زهره باستغراب:ليه ؟!
ذكى: البت صغيره ورقيقه أوى وانتى عارفه محمد عصبى وقلبه جامد انتى ماشوفتيش منظر البت في الايام اللي قضوها هنا قبل السفر؟؟كان شكلها حزينه ومش طبيعيه أبدا
زهره: انت هتقلقنى ليه ياذكى انا مكلماهم النهارده ومبسوطين وزى الفل ادع لهم ربنا يهديهم لب