مفيش حد يقدر يختار الظروف اللي هو هيعيش فيها 15

وبعد ما النور قطع فجأه وسمعوا ضرب الرصاص .

بسرعه أضاء الكاشفات عوف وكانت الصدمه اللي شفوها سناء مقتوله والدم بينزف من راسها.

منصور بص حواليه بالغرفه مفيش حد بص لعوف بهلع.

_ اطلع بره بسرعه شوف في حد بره والا لا

طلع عوف ومعاه سلاحه بره . منصور بص لصفيه اللي واقفه جمبه ومرعوبه وخايفه..

_ متخفيش يا صفيه اللي عملها هرب . خليكي هنا متتحركيش من مكانك

طلع منصور مسدس من جاكيته وطلع بره الغرفه بحذر ويبص شمال ويمين. ومش لاقي اي حد . وكان الارض اتشقت وبلعت اللي عمل كدا..

رجع منصور سلاحه ورجع عوف ومفيش حد ..

منصور بيقول لنفسه.

_ مين الكلب اللي عمل كدا وراح فين ؟ مصيري هعرفه واقسم ما هرحمه..

دخل منصور الغرفه ووراها عوف واشار بايده لعوف يخلص من الجثه.

حاوط صفيه بدراعه منصور وطلع بره الغرفه…

وقف بره الغرفه وبيبص لصفيه وقال.

_ تفتكري كانت تقصد مين سناء بكلامها ده..

صفيه مرتبكه وبتفرك بايديها وبصت لمنصور وقالت..

_ مفيش غيره يا منصور بيه . حسن طباخ حضرتك.

بصلها منصور وعنيه وسعت وبفزع قال

_ انتي بتقولي ؟

صفيه بهدوء

_ زي ما بقول لحضرتك حسن وراه مصايب.

_ معقول حسن اللي الوحيد اللي معاه اسراري بثق فيه يعمل فيا كدا. معقول.

_ معقول يا منصور بيه . بصراحه حسن كان متقف معايا نخلص من سناء وانه يخليني انا الكل بالكل هنا. طبعا انا كان نفسي امسك دليل علي كل واحد فيهم عشان احطه بالامر الواقع قدامك. وكنت بسمع للكل وبحاول افهم ايه اللي بيحصل بالظبط هنا…

منصور باصص لصفيه ومصدوم من كلامها عن حسن وعن اللي كان بيحصل بالقصر ..

_ يعني مش بعيد يكون حسن هو اللي قتل سناء وطفئ النور علينا..

بص لصفيه وقال..

_ يلا اركبي بسرعه نرجع الفيلا نشوف الرجاله عملت اي مع قاسم ودلال..

ركبوا العربيه وطلع بسرعه منصور وعدو السور ووصلوا الفيلا .. نزل منصور وصفيه من العربيه ودخلوا الفيلا واتصدم منصور لما شاف رجالته مقيدين حسن بالحبال وكمان دلال وقاسم مش معاهم . .

قرب منصور من دلال وبصلها بقرف ومشي وقرب ناحية حسن وفضل باصص عليه.

حسن رايح يتكلم منصور اشاره بايده وقال

__ ششششششش مش عايزك تتكلم خالص

سكت حسن . منصور بص لرجالته اللي واقفين حواليه وقال .. فين قاسم ..

واحد منهم قرب من منصور وقال …

_ للاسف يا منصور بيه قاسم قتله حسن . رجالتنا مسكوا قاسم ودلال هانم وكانوا معاهم . بعدها بشوي وصل حسن ورانا وهما ماسكين قاسم . ضرب حسن عليه النار ومات . امرت الرجاله يمسكوا حسن ضرب علينا نار وهرب رجعنا الفيلا ومعانا مدام دلال وبالصدفه شفنا حسن بينط من سور الفيلا الخلفي اتلمينا حواليه وقدرنا نمسكه ..

بص منصور لحسن وهز راسه وقال..

_ سور الفيلا الخلفي يبقي انتي اللي ..

وضحك منصور بضحكه عاليه بسخريه هاهاهاهاهاهاها..

وقرب من حسن وفضل يسقف بايديه بوش حسن.. وقال بهدوء..

_ بس غريبه خلصت علي سناء عشان ما تفضحكش وقلنا ماشي . لكن تخلص علي قاسم وتقتله ليه مع انك متفق معاه علي كل حاجه..

_ قاسم يا منصور بيه كان عايز ياخد كل حاجه لوحده ويضحك عليا بشوية فتافيت..

اضغط هنـــــــــــا للجزء 16