انا محتاجه اخد رأى ال ستات كلها ..انا دكتورة 2
انا محتاجه اخد رأى ال ستات كلها ..انا دكتورة نسا عندى ٣١ سنه الحمد لله متوفقه في شغلى لكن حظى بالجواز للاسف مش حلو الحمد لله طبعا ع كل حال …كنت مرتبطه بزميل من خمس سنين اتجوز مرتين وطلق ..
جيه من ٣ شهور حاول يكلمنى وبيعايرنى كنا برمضان اللى فات عايرنى انى لسه متجوزتيش وقالى بالنص كدا انتى مركونه ليه لحد دلوقتي معانك حلوة ….هو مطلق ومعاه اولاد منهم ..كل فترة يكلمنى وبيعايرنى مش عارفه ليه..
المهم كنت ارتبطت بزميل اخر ولكن الموضوع لم يتم أيضا …اتقدم شخص صالونات خريج اداب معترضيتيش لا أنا ولا اهلى ..قرينا فاتحه بقالنا شهرين ع الضيق لحد دلوقتي مجاليش فيهم الا مرتين بس لانه ملتحى ولكن هو مش متشدد ..
زمايلي وأصحابى بيقولوا. بلاش اخد أقل منى لانه هيطلعه عليا انا مسمعتيش كلامهم وقولت عادى التعليم مش مقياس دلوقتي بيقولى انتى ازاى دكتورة انتى عشولءيه..ويقولى المنطقه اللى انتم عايشين فيها عشوائيه معانها راقيه جدا والله بس ابتدى يطلع عقد النقص عليا
وبخيل خرجنا مرة ع البحر قولتله نقعد ع كافيه دا ماوافقيش قعدنى بمكان رخيص والتليفون واحنا بتكلم بيقولى شايفه الراجل استغلنى وحسب كوبايه الشاى ب ١٥ جنيه..واحد بقاله شهرين ماشافش خطيبته من يوم قرايه الفاتحه يقولها كدا ..
هو مطلق وعنده بنت بس مش معاه وانا انسه.وبيقولى بنات البلد عنده ارقي ستات بس انا عشوائيه قولتله ادام كدا روح خد منهم وسيبنى للفلاحين العشواءيين مع العلم هو من أقاليم ومش مثقف ودائما يقولى انا عارف امك مش عوزانى لانى مطلق..
معان امى الوحيده اللى بتقولى اتجوزه واخلف عشان سنى كبر مش عارفه اعمل اى …مع العلم كنت هفسخ بعد شهر وخلى خاله يكلمنى ويقنعنى اكمل بس والله بيقعد يقولى اللى ادك مخلف ٤ دلوقتي !للاسف بحسه بيعايرنى وولا ادانى عيديه وكمان قالى هجيبلك عبايه تعنيها لكتب الكتاب وماجابيش معانه مقتدر ماليا
ولكن بخيل عليا حتى فستان الزفاف بيقولى هجيبه من البحيرة لان رشيد هناك ارخص مكان بالعالم بيقولى كدا وجيت اشترى طرحه سابنى طلعت الفلوس واديت الراجل انا وعامل عبده العبيط كمان بيتشرط إن لما يجى يشرب مشاريب معينه وبجح بطلب الاكل ..
بابا بيقولى سيبيه وماما بتقولى اتجوزه واخلف هيا مسكينه نفسها تفرح بيا وعندها حق والله وانا عارفه فعلا كل العيله اتجوز وا ماعدا انا …محتارة رجاءا عاوزة حل
وهل الطلاق افضل لو اتجوزته ومعرفتيش اكمل ولا العنوسه احسن ومعايرة الناس ليا بوقف حالى !!!