أنا اتجوزت عليكي 5

رواية لماذا انا الفصل الخامس 5 بقلم إيمان شلبي
-يوسف البنت طلعت بريئه فعلا
قالها مازن صاحب يوسف وهو قاعد قدامه علي المكتب
يوسف وهو بيبصله بشك :
– بريئه؟!

بريئه ازاي يابني ديه واحده و…
مازن وهو بيقاطعه:
– يوسف البنت انسه بتقرير من الطب الشرعي
كان واضح معالم الصد*مه علي وش يوسف وهو بيبص لمازن وبيسأله بنبره كلها حزن وندم :
– انت متأكد من الكلام ده ؟؟

مازن برفعه حاجب :
– جرا ايه يايوسف هي دي اول مره ليا ولا ايه؟!
حط يوسف وشه بين ايديه وهو بيقول بخفوت وعدم تصديق:
– مش معقول يعني انا ظلمتها؟

طب وكلام اخوها وجوزها والجيران يعني كلهم طلعوا بيكذبوا وهي اللي كانت بتقول الحقيقه !!!
مازن وهو بيهز رأسه بغيظ:
– جوزها ده طلع شيطان ،بشويه ملاليم قدر يخلي الكل تحت رجله
– ازاي وهو تعبا*ن وفي غيبو*به !

مازن وهو بيضحك بسخريه:
– ده انت اللي في غيبو*به
يوسف باستغراب :
– يعني ايه ؟؟
مازن وهو بيتنهد:
– يعني هو مش في غيبو*به ولا حاجه

هو اللي قال للدكتور يقول كده بشويه ملاليم برضو عشان وسام تتسجن وتتقلب الطربيزه عليها
يوسف بشرود :
– يعني وسام بريئه

مازن :
– يابني ده كان باين من اول مره جت علي هنا البنت شكلها بنت ناس ومحترمه ،
انا بصراحه مش فاهمك انت اول مره تحكم على حد بدون ادله اشمعني ديه ؟!
يوسف وهو بيشد شعره بغيظ:
– اخوها يامازن اخوها جه واعترف بنفسه أن هي خا*نت جوزها !

مازن بتهكم:
– اخوها ؟
يابني واحنا من أمتي بناخد بكلام واحد بيشرب مخد* *رات
– بيشرب مخد، * *رات؟؟؟
قالها يوسف بصدمه لمازن اللي هز رأسه وكمل كلام :
– كرم جوز أخته هو اللي جره للطريق ده عشان يبقي تحت طوعه
وده اللي حصل بكيسين بو* * دره جه اخوها وقال كلام محصلش

– مش معقول هو في كده ؟!
– واكتر المهم دلوقتي أن وسام بريئه وانا شايف أن وجودها في السجن ملهوش اي داعي
مفيش اي دليل يثبت أنها مذ*نبه بل بالعكس كرم هو اللي المفروض يتحاكم عشان بلا* وي كتيره
أولها أنه بيتاجر في المخ* *، درات وحاول يقت* لها عشان كانت هتقول الحقيقه !

هز رأسه وبالفعل خرجت من السجن لأن مكانش فيه اي دليل يثبت جر* يمتي
وان كان علي اللي عملته لكرم فده كان دفاع عن النفس

بعد مرور أسبوع
كنت قاعده في بيت اهلي بعد ما بابا عرف كل حاجه وطرد اخويا عمار من البيت وقاله كده بالحرف
” من هنا ورايح انت لا ابني ولا اعرفك”
انا كنت منه*اره في حضن بابا كنت بحكيله اللي حصل وانا جسمي بيتنفض ،
مش قادره اتخيل اني دخلت سجن عمري ما كنت اتخيل اتحط في موقف صعب زي ده ،

عمري ما كنت اتخيل اقف انا واخويا قصاد بعض واخويا
عشان شويه ملاليم بيصرفها علي شويه سمو* م يعترف عليا ويتهمني بالز*ور !
عمري ما كنت اتخيل اني لما احب واتجوز يطلع جوزي شخص مش طبيعي ،
شخص مريض أناني بش*ع ،

عمري ما كنت اتخيل في يوم أن حد يتهمني بالز* نا وانا اللي طول عمري ماشيه جنب الحيط
محافظه علي شرفي وشرف عيلتي
كل حاجه اتغيرت في لمح البصر ،كل حاجه أصبحت ضدي ،
حتي نظرات الناس بعد ما خرجت براءه مكانتش رحماني وكأن الناس بتستلذ بعذابي

كنت منعكفه في اوضتي ليل ونهار رافضه الاكل والشرب رافضه اقابل حد
حتي بابا اللي كان قلبه بيتق*طع علي الحاله اللي وصلت ليها
كنت طول الوقت بفكر ،لو خرج كرم من المستشفي ياتري هتكون ايه رد فعله اما يعرف اني خرجت براءه !
انا اصلا لحد دلوقتي معرفش ازاي خرجت ،

كل اللي اعرفه ان العسكري جه اخدني علي مكتب يوسف اللي كانت معاملته غريبه
كان فيها نوع من الاحترام والند*م عكس السخريه ونظرات الاتهام اللي كنت بشوفها فيه عينه ،
وقتها قالي انتي خرجتي براءه

من فرحتي مسألتش عن السبب حتي خلصنا شويه اجراءات وخرجت من القسم وانا بجري في الشارع زي المجنونه ،
وكأني كنت طير محبوس واتحرر ،بالرغم أن وجودي كان يومين بس الا اني حسيتهم سنتين
كنت مر*عوبه ،فكره أن يتحكم عليا بكام سنه سجن كانت فكره مر*عبه بالنسبالي

الحمد لله اني خرجت مع اني مش فاهمه اي حاجه ولا عايزه افهم المهم اني خرجت وخلصت
بس هو فعلا انا خلصت ولا لسه في مصايب جديده في الطريق لما كرم يفوق من الغيبو*بة !
وكأن بابا كان سامع أفكاري لقيته بيخبط وهو بيقولي بصوت كله فرحه :
– وسام وسام كرم اتقبض عليه حقك جالك ياحبيبتي افتحي

رمشت عيني اكتر من مره بصد*مه كبيره وانا بحاول استوعب الكلام اللي بابا قاله
كرم اتقبض عليه ؟!
ازاي وبتهمه ايه إذا كان مفيش اي دليل يثبت أنه حاول يق*تلني !!!!
ضربات قلبي كانت عاليه ،جسمي كله جاب عرق ،عيوني اتملت بالد*موع

لكن مكانتش د*موع خوف ولا قهر كانت د*موع الفرحه ان ربنا حقق عدله وانتق*ملي منه علي الكام يوم اللي قضيتهم مق*هوره وخايفه ومظلو*مه
قومت من السرير وانا ركبي بتخبط في بعض قربت من الباب فتحته
ولسه هتكلم لقيت بابا بيشدني لحضنه وهو بيقول بد*موع :
– حقك رجعلك يابنتي حقك رجعلك

رفعت راسي وانا بقول لبابا بد*موع :
– ازاي ا انا مش فاهمه حاجه
بابا وهو بيمسح دموعي وبياخدني من ايدي ويقعدني علي الكنبه :
– كرم اتقبض عليه بتهمه انه كان بيتا* جر في المخد* *رات وتهمه محاوله قت* لك
– ب بس بس مفيش دليل يثبت أنه حاول يمو* تني
– انتي ناسيه تقرير الطب الشرعي ؟!

بصيت لبابا وانا مبرقه :
– هو طلع
هزلي رأسه :
– ايوه اليوم اللي خرجتي فيه
بلعت ريقي بتوتر واحراج وانا بسأله :
– ا اثبت اني

بابا وهو بيقاطعني :
– اثبت انك شريفه وهو اللي حقير واخد جزاته ربنا منتقم جبار ياوسام
انتي من دلوقتي تمشي رافعه راسك في الشارع واللي يبصلك بصه متعجبكيش اف*قعي عينه انتي سامعه !!
هزيت راسي بد*موع وانا بترمي في ح*ضنه
دقايق والباب خبط قام بابا يفتح وثواني ولقيته داخل ومعاه شخص وهو بيرحب بيه
– اتفضل يا حضره الظابط

رفعت راسي باستغراب وثواني واتنفضت من مكاني وانا بقول بصد*مه :
– ي يوسف
قرب مني بابتسامه هادئه وهو بيمدلي أيده :
– ازيك يا انسه وسام
بصيت علي أيده وبلعت ريقي وانا بمد طرف صوابعي وبقول ببرود وثقه :
– كويسه

فرك أيده في بعض بأحراج وهو بيوزع نظراته بيني وبين بابا اللي كان مستغرب وجوده زي بالظبط ويمكن اكتر
– ا ا
ا احم طب اتفضل يابني
لقيته قرب من بابا وهو بيقول بسرعه :
– عمي انا طالب منك ايد الانسه وسام
يتبع…

رواية لماذا انا. الجزء السادس