انتى طالق قال كلمته بجمود 6
فى اسكندريه
يونس : اتفضلوا ادخلوا نورتوا المكان
دخلت كريمه وملك وهما مسندين رقيه وبعدها قعدوها على اقرب كرسي
يونس بابتسامه : البيت بيتكم انا طبعا هروح هبات مع واحد صاحبى قريب منكم هنا وقت لما تحتاجوا حاجه كلموني
كريمه بإحراج : بس يابني
يونس قاطعها قال : مفيش بس ياخالتى مش عايزك تعملى فرق بينا يلا سلام عليكم
يونس خرج وملك دخلت عند رقيه فى الأوضه وقعدت جنبها على السرير
ملك بعتاب : كده تبعدى عنى
رقيه دموعها نزلت وقالت : غصب عني والله سامحيني ياملك
ملك بابتسامه : عارفه أن غصب عنك ومش عايزاكي تزعلى ياحبيبتى حسبي الله ونعم الوكيل فى ال ظلمك
رقيه بوجع : انا عارفه ان ده ذنب ال عملته فى يونس كل لما يساعدني فى الوقت ده بحس أن بتوجع اكتر بحس قد ايه كنت قاسيه اووى ومفكرتش غير فى نفسى انا ضميرى هيموتني ياملك
قالت اخر كلامها وهي بتعيط بحزن وانهيار
ملك ضمتها بحنان وقالت : حبيبتى كفايه تشيلى نفسك الذنب كل ال حصل نصيب وكل واحد اخد نصيبه
رقيه كانت حاسه بتأنيب الضمير وقلبها وجعها
سعاد بخضه : يامصيبتى الحق يا احمد
أحمد : فى ايه
سعاد : البت مقصوفة الرقبه هربت ال اسمها مريم
أحمد بتنهيده : فى داهيه فى غيرها كتير
سعاد : مش دي المصيبه
أحمد بضيق : اومال فى ايه تاني
سعاد : البت خدت ورق البيت ده كله وسرقتهم
أحمد بصدمه : نعمممم !!!